Oqytý

MJÁ sózdigi

1. jekeshe áriptes – osy Zańǵa sáıkes memlekettik áriptester retinde áreket etetin tulǵalardy qospaǵanda, memlekettik-jekeshelik áriptestik shartyn jasasqan dara kásipker, jaı seriktestik, konsorsıým nemese zańdy tulǵa;
2. áleýetti jekeshe áriptes – jekeshe áriptesti aıqyndaý jónindegi konkýrsqa ne tikeleı kelissózderge qatysýǵa úmitker jekeshe áriptes;
3. memlekettik áriptes – Qazaqstan Respýblıkasy, onyń atynan áreket etetin, memlekettik-jekeshelik áriptestik shartyn jasasqan memlekettik organdar, memlekettik mekemeler, memlekettik kásiporyndar jáne jarǵylyq kapıtalǵa qatysý úlesteriniń nemese daýys beretin aksııalarynyń elý jáne odan kóp paıyzy memleketke tikeleı nemese janama túrde tıesili jaýapkershiligi shekteýli seriktestikter, aksıonerlik qoǵamdar;
4. memlekettik-jekeshelik áriptestik – memlekettik áriptes pen jekeshe áriptes arasyndaǵy osy Zańda aıqyndalǵan belgilerge sáıkes keletin yntymaqtastyq nysany;
5. konkýrsty ne tikeleı kelissózderdi uıymdastyrýshy – osy Zańda belgilengen quzyretine sáıkes konkýrsty ne tikeleı kelissózderdi uıymdastyrýshy ortalyq memlekettik organ ne oblystardyń, respýblıkalyq mańyzy bar qalalardyń jáne astananyń jergilikti atqarýshy organdary bolǵanda memlekettik qoldaý sharalaryn usyný jáne (nemese) memlekettik bıýdjetten tólemderdi júzege asyrý kózdeletin jaǵdaılardy qospaǵanda, jekeshe áriptesti aıqyndaý jónindegi konkýrsty ne tikeleı kelissózderdi uıymdastyrýdy jáne ótkizýdi júzege asyratyn memlekettik áriptes;
6. memlekettik-jekeshelik áriptestik jobasy – osy Zańǵa jáne Qazaqstan Respýblıkasynyń bıýdjet zańnamasyna sáıkes shekteýli ýaqyt kezeńi ishinde iske asyrylatyn jáne aıaqtalǵan sıpatqa ıe, memlekettik-jekeshelik áriptestikti júzege asyrý jónindegi rettilikpen bolatyn is-sharalar jıyntyǵy;
7. memlekettik-jekeshelik áriptestik jobasy boıynsha ınvestısııalyq shyǵyndardyń ótemaqysy – memlekettik-jekeshelik áriptestik shartyna sáıkes ınvestısııalyq shyǵyndardyń belgili bir kólemin óteýge baǵyttalǵan, bıýdjet qarajaty esebinen tólenetin aqshalaı tólemder;
8. memlekettik-jekeshelik áriptestik jobasy boıynsha operasııalyq shyǵyndardyń ótemaqysy – memlekettik-jekeshelik áriptestik shartyna sáıkes memlekettik-jekeshelik áriptestik obektisin paıdalanýǵa baılanysty jekeshe áriptestiń shyǵystaryn óteýge baǵyttalǵan, bıýdjet qarajaty esebinen tólenetin aqshalaı tólemder;
9. qoljetimdilik úshin tólemaqy – memlekettik-jekeshelik áriptestik obektisiniń paıdalanylý jáne sapalyq sıpattamalaryn, sondaı-aq memlekettik-jekeshelik áriptestik obektisiniń jeke-dara tehnıkalyq-ekonomıkalyq ólshemderin negizge ala otyryp, kórsetilgen obektiniń tutynýshylarǵa qoljetimdiligin qamtamasyz etý úshin memlekettik-jekeshelik áriptestik shartyna sáıkes bıýdjet qarajaty esebinen júzege asyrylatyn aqshalaı tólem;
10.  memlekettik-jekeshelik áriptestik sharty – memlekettik-jekeshelik áriptestik jobasyn iske asyrý sheńberinde memlekettik-jekeshelik áriptestik sharty taraptarynyń quqyqtary, mindetteri jáne jaýapkershiligi, memlekettik-jekeshelik áriptestik shartynyń ózge de talaptary aıqyndalatyn jazbasha kelisim.